सुनिल थोरात
महाराष्ट्र पोलीस न्युज
पुणे (हडपसर) : दि. २४/०४/२०२३ रोजी सायंकाळी ०६/०० वाजण्याच्या सुमारास नियंत्रण कक्ष पुणे येथून झगडे वस्ती, कुरण फार्म, महात्मा फुले कृषी विद्यापीठाच्या जागेत एका महिलेची बॉडी पडली आहे. असा कॉल प्राप्त पोलीस स्टेशनला गेला. त्या ठिकाणी अरविंद गोकुळे, वरिष्ठ पोलीस निरीक्षक, हडपसर पोलीस स्टेशन, दिगंबर शिंदे, पोलीस निरीक्षक (गुन्हे), विश्वार डगळे, पोलीस निरीक्षक (गुन्हे), तपास पथक अधिकारी विजय कुमार शिंदे सपोनि., प्रताप शेळके, पोउपनिरी. व अंमलदार असे घटनास्थळी तात्काळ रवाना झाले.
त्या घटनास्थळी साधारण एका ५० वर्षीय महिलेची बॉडी ही विहरीमध्ये मिळून आली. प्रथमदर्शनी मयताच्या डोक्यात अज्ञात इसमाने डोक्यात धारधार हत्याराने आणि कठीण हत्याराने घाव घालून तिचे प्रेत विहरीत टाकले. असे आढळून आले.
पोलीसांनी अधिक माहीती घेता मयताचे नाव उषा अशोक देशमुख वय ५० वर्ष रा. माळवाडी, कवडीपाट, लोणी काळभोर पुणे असे समजले. ही महिला शेळीपालन करीत होती.
पोलीस ठाणे येथे गु.र.नं ६२३ / २०२३ भा.दं.वि. कलम ३०२ प्रमाणे गुन्हा दाखल करण्यात आला.
हडपसर घटनास्थळी मा. विक्रांत देशमुख सो, पोलीस उप आयुक्त, परिमंडळ ५, मा. श्री. बजरंग देसाई सो, सहाय्यक पोलीस आयुक्त, हडपसर विभाग पुणे यांनी देखील भेट दिली. व गुन्हा उघडकीस आणण्यासाठी सुचना दिल्या.
महात्मा फुले कृषी विद्यापीठाच्या मांजरी फार्म येथील १०० एकर जागेत निर्जन स्थळी खजीना विहीर मध्ये महिलेची बॉडी मिळून आली. सदर महिलेस १०० ते १२५ फुट अंतरावरून मारून फरफटून ओढून विहीरीमध्ये टाकल्याचे पोलीसांना दिसले. सीसीटीव्ही फटेज वा इतर कोणताही उपयुक्त पुरावा घटनास्थळी नव्हता. त्यामुळे या गुन्ह्यासाचा शोध घेण्याचे पोलीसांपुढे आवाहन होते. घटनास्थळ साधारण ग्रामिण भागातील असल्याने हडपसर तपास पथकाने परिसरात दोन दिवस गरूड वस्ती, झगडे वस्ती, कदमवाक वस्ती, कवडीमाळवाडी, कवडीपाट, मांजरी बद्रुक, शेवाळवाडी भागात फिरुन आरोपी विषयी माहीती घेण्याचा प्रयत्न केला असता तपास पथकास कवडमाळवाडी मधिल एक व्यक्ती इसम घटना झाल्यापासून गायब असल्याची पक्की माहीती मिळाली. आणखीन अधिक माहीती घेता सदर व्यक्ती ४-५ दिवसापुर्वीच जेल मधून सुटला असल्याची माहीती मिळाली. तपास पथकातील अंमलदार समीर पांडुळे, प्रशांत दुधाळ, निखील पवार यांना गोपनीय माहीती मिळाली की, संशयीत हा फुरसुंगी भागात एका बिहारी इसमाकडे पेंटीगचे कामाकरीता गेला आहे. त्याच्यावर लोणीकाळभोर पोलीस स्टेशन येथे गुन्हे दाखल आहेत. मिळालेली माहीती व तांत्रिक विश्लेषण याचे आधारे आरोपी नाव राजेश अशोक मुळेकर रा. कवडीपाट माळवाडी, हनुमान मंदिराशेजारी, लोणीकाळभोर, ता.हवेली जि. पुणे. यास दिनांक २६/०४/२०२३ रोजी सायंकाळी हडपसर गाव, कॅनोल भाग जवळील पान शॉप येथून ताब्यात घेवून त्यास हडपसर पोलीस स्टेशन येथे नेले त्याचेकडे अधिक तपास करता त्याने गुन्हा केल्याची कबुली दिली.
आरोपी राजेश मुळेकर याचेकडे तपास करता त्याने सांगीतले की, दिनांक २४/०४/२०२३ रोजी दुपारी ३.०० वा. चे सुमारास तो महात्मा फुले कृषी विद्यापीठाच्या मांजरी फार्म येथील जागेत असणारी खजाना विहरीवर बसवलेली पाण्याची मोटार चोरण्यासाठी आला होता. मोटार चोरत असताना मयत महिला ही शेळ्या घेवून जात होती, तेंव्हा मयताने अरोपीस विहीरीवर मोटार चोरत असताना पाहीले आणि मी तुझ्याबाबत येथील अधिकारी यांना सांगते असे बोलून निघून जात होती. तेंव्हा आपले नाव सगळ्यांना समजेन व पुन्हा जेल मध्ये जावे लागेल या भितीने /विचाराने आरोपीने तेथे पडलेली सिमेंटची (विट) ब्लॉक तिच्या डोक्यात पाठीीगून मारली व महिला जमिनीवर पडल्यावर मयता जवळील कोयत्याने डोक्यात वार केले. आणी फरफटत आणून विहरीत ढकलून दिले होते. सदर गुन्ह्याचा तपास, विजयकुमार शिंदे, सहाय्यक पोलीस निरीक्षक, हडपसर पोलीस स्टेशन पुणे हे करीत आहेत. निर्जनस्थळी अज्ञात आरोपीने केलेल्या खुनामध्ये कोणताही पुरावा नसताना पोलीसांनी अतिशय कौशल्याने आणि अथक परिश्रम करून हडपसर तपासपथकाने महिलेच्या खुनाचा गुन्हा दोन दिवसात उघड केला.
ही कामगिरी रितेश कुमार, मा. पोलीस आयुक्त पुणे शहर, संदिप कर्णिक, मा. सह पोलीस आयुक्त पुणे शहर, रंजनकुमार शर्मा अप्पर पोलीस आयुक्त पुर्व प्रादेशिक विभाग व विक्रांत देशमुख सो, पोलीस उपआयुक्त परिमंडळ ५ यांचे मागदर्शनाखाली मा. बजरंग देसाई सहाय्यक पोलीस आयुक्त, हडपसर विभाग पुणे, अरविंद गोकुळे वरिष्ठ पोलीस निरीक्षक हडपसर पोलीस स्टेशन पुणे शहर, दिगंबर शिंदे, पोनि (गुन्हे), विश्वास डगळे पोनि (गुन्हे) यांचे सूचनाप्रमाणे तपास पथकाचे सहा. पोलीस निरीक्षक, विजयकुमार शिंदे, पोलीस उप निरीक्षक अविनाश शिंदे, पोलीस अंमलदार, सुशील लोणकर, संदीप राठोड, समीर पांडुळे, सचिन जाधव, शाहीद शेख, प्रशांत दुधाळ, निखील पवार, अतुल पंधरकर, भगवान हंबर्डे, अनिरूध्द सोनवणे, सचिन गोरखे, मनोज सुरवसे, अमोल दणके, प्रशांत टोणपे, अजित मदने, रशिद शेख, कुंडलीक केसकर, चंद्रकांत रेजीतवाड यांचे पथकाने प्रशंसनीय कामगिरी केली.
إرسال تعليق