सुनिल थोरात (संपादक)
महाराष्ट्र पोलीस न्युज
पुणे : उपमुख्यमंत्री अजित पवार यांनी नाव न घेता एका खासदाराला निवडून आणण्यासाठी मी आणि वळसे पाटलांनी जीवाचं रान केलं, उपमुख्यमंत्री अजित पवार म्हणाले, उमेदवारी देत असताना योग्य पद्धतीनं उमेदवारी दिलेली होती. ते वक्ते उत्तम आहेत, वत्कृत्त्व चांगलं आहे, उत्तम कलाकार आहेत, संभाजी महाराजांची भूमिका उत्तम साकारली होती. महाराष्ट्रातील जनतेला त्यांच्या भूमिकेनं खिळवून ठेवण्याचं काम त्यांनी केलेलं. पण काळजी करू नका, त्यांच्याविरोधात दिलेला उमेदवार, मी आज तुम्हाला सांगतो की, निवडून आणून दाखवेल. असं खळबळजनक विधान अजित पवार यांनी केलं आहे..
उपमुख्यमंत्री अजित पवार पुढे बोलताना म्हणाले, ज्यांना माझ्यासोबत यायचं आहे, त्यांनी माझ्यासोबतच यावं, ज्यांना दुसऱ्या बाजुला जायचं आहे, त्यांनी तिकडे जावं, माझ्या बाजूनं म्हणजे काय हुकुमशाही आहे का? ज्यांनी माझी बाजू घेतली, त्यांनी दुटप्पी भूमिका घेऊ नका, मेहरबानी करा, खरं जे बोलतो तेच सांगा, तसेच अनेक कार्यकर्ते अजुनही दोन्ही बाजूंनी दिसतात, “असू द्यात ना, मी सांगायचं काम केलं आहे, बघु काय फरक दिसतोय का? माझ्या दृष्टीनं जे योग्य वाटतं, ती भूमिका घेण्याची मला मुभा आहे, मला इतरांनी टोकण्याचं कारण नाही. असं देखील अजित पवार म्हणाले.
मतदारसंघात लक्ष दिलं असतं, तर खूप बरं झालं असतं
एका खासदारानं जर आपल्या मतदारसंघात लक्ष दिलं असतं, तर खूप बरं झालं असतं. त्यांचं मधल्या काळात मतदारसंघात लक्ष नव्हतं, ते मतदारसंघात फिरत नव्हते, त्यांनी पूर्णपणे मला आणि त्यावेळचे माझे जे वरिष्ठ आहेत, त्यांनाही सांगितलेलं मी राजीनामा देतोय, मी एक कलावंत आहे, माझ्या सिनेमावर परिणाम होऊ लागला आहे, मी काढलेला एक सिनेमा शिवरायांवर असला तरी, तो चालला नाही. माझ्या एकंदरीत प्रपंचावर, आर्थिक गोष्टींवर परिणाम होतोय, अशाही गोष्टी त्यांनी येऊन सांगितलेल्या, असं पवार म्हणाले.
महायुतीचे पंतप्रधानपदाचे उमेदवार नरेंद्र मोदी : उपमुख्यमंत्री अजित पवार
महायुतीचे पंतप्रधानपदाचे उमेदवार नरेंद्र मोदी आहेत. समोर कोणी आहे का? प्रत्येकाला उभे राहण्याचा अधिकार आहे. आता मोदी साहेब पाहिजे का? दुसरे कोणी पाहिजे हे ठरवायचं आहे. मी स्पष्ट बोलणारा आहे. नरेंद्र मोदी यांच्या शिवाय पंतप्रधान पदासाठी कोणी ही उमेदवार नाही, असं अजित पवार यांनी मीडियाशी संवाद साधताना सांगितलं.
उपमुख्यमंत्री अजित पवार यांनी केलेल्या विधानावर शिरूर हवेली लोकसभेचे खासदार अमोल कोल्हे यांनी त्वरित व्हिडिओ जारी करुन स्पष्टीकरण दिले
खासदार अमोल कोल्हे यांचा व्हिडिओ पाहण्यासाठी 👇🏻
إرسال تعليق