शुभांगी वाघमारे
महाराष्ट्र पोलीस न्यूज
पुणे : ज्येष्ठ अभिनेते विक्रम गोखले यांचे वयाच्या ७७ व्या वर्षी निधन झाले आहे. पुण्यातील दिनानाथ मंगेशकर रुग्णालयात त्यांनी अखेरचा श्वास घेतला. विक्रम गोखले यांच्यावर गेल्या १५ दिवसांपासून दिनानाथ मंगेशकर रुग्णालयात उपचार सुरु होते. विक्रम गोखले यांच्या निधनामुळे मराठी चित्रपटसृष्टीचे खूप मोठे नुकसान झाले आहे. चित्रपटसृष्टीतील ही हानी भरून काढता न येणारी अशी आहे.
विक्रम गोखले हे रंगभूमी, टेलिव्हिजन आणि चित्रपट अशा सर्व व्यासपीठांवरील अत्यंत नावाजलेले कलाकार होते. रंगभूमीवर त्यांनी एक मोठा काळ गाजवला आहे. मराठीसोबतच त्यांनी हिंदी चित्रपटसृष्टीतही मोठे नाव कमावले आहे.
सध्या ते स्टार प्रवाह वाहिनीवरील 'तुझेच मी गीत गात आहे' या मालिकेत भूमिका साकारत होते. काही वर्षांपूर्वी प्रेक्षकांच्या भेटीला आलेली लोकप्रिय मालिका 'अग्निहोत्र'मध्ये त्यांनी साकारलेली मोरेश्वर अग्निहोत्री ही भूमिका आजही प्रेक्षकांच्या मनात घर करून आहे.
सध्या ते स्टार प्रवाह वाहिनीवरील 'तुझेच मी गीत गात आहे' या मालिकेत भूमिका साकारत होते. काही वर्षांपूर्वी प्रेक्षकांच्या भेटीला आलेली लोकप्रिय मालिका 'अग्निहोत्र'मध्ये त्यांनी साकारलेली मोरेश्वर अग्निहोत्री ही भूमिका आजही प्रेक्षकांच्या मनात घर करून आहे.
अभिनयासोबतच विक्रम गोखलेंनी लेखन आणि दिग्दर्शन क्षेत्रातही काम केले आहे. २०१० मध्ये त्यांनी 'आघात' या चित्रपटातून दिग्दर्शन क्षेत्रात पदार्पण केले होते. या चित्रपटाचे समिक्षकांनी विशेष कौतुक केलं होतं. २०१३ मध्ये प्रेक्षकांच्या भेटीला आलेल्या 'अनुमती' या चित्रपटातील भूमिकेसाठी त्यांना राष्ट्रीय पुरस्काराने गौरविण्यात आले होते.
गेल्या काही काळापासून घशाच्या त्रासामुळे त्यांनी नाटकातून संन्यास घेतला होता. सध्या ते नवोदित कलावंतांना अभिनयाचं प्रशिक्षण देण्याचेही काम करत होते. विक्रम गोखले यांची महत्त्वपूर्ण भूमिका असलेला 'गोदावरी' हा चित्रपट याच महिन्यात प्रदर्शित झाला आहे.
إرسال تعليق