सुनिल थोरात
महाराष्ट्र पोलीस न्यूज
पुणे (हडपसर) : (दि.२३) रोजी रात्रौ १०.५० वा ओमाराम दुर्गाराम कच्छावाह (वय २८ वर्ष) रा. मांजरी पुणे यांनी पुणे शहर कंट्रोल रूम येथे फोन करून ललीत चौधरी याचे अपहरण करून त्यास चारचाकी गाडीमध्ये घेवून गेले.
तात्काळ घटनास्थळी पोलीस उपआयुक्त विक्रांत देशमुख परीमंडळ ०५, पोलीस उप-आयुक्त (गुन्हे) अमोल झेंडे, सहा. पोलीस आयुक्त हडपसर विभाग बजरंग देसाई, हडपसर पोलीस ठाण्याचे वरीष्ठ पोलीस निरीक्षक अरविंद गोकूळे, तपास पथकातील सपोनि विजयकुमार शिंदे, पोउनि अविनाश शिंदे भेट दिली.
याच अनुशंगाने हडपसर पोलीस ठाणेस गु.र.नं १४७८ / २०२२ भा.दं.वि. कलम ३६५,३४ प्रमाणे गुन्हा दाखल करण्यात आला. दुकानामध्ये असणारे सीसीटीव्ही तसेच दुकानाच्या बाहेरील बाजुस सीसीटीव्ही फुटेजची तपासणी करता, अपहृत व्यक्ती ललीत चौधरी याचे हरीओम व्हरायटीज नावाचे दुकानामध्ये रात्री १०.५० चे सुमारास असताना, तिन इसम येवून दुकानात खरेदी करण्याचा बहाणा करून दुकानामध्ये बराच वेळ थांबून राहीले.
त्यानंतर त्यांनी ललीत चौधरी यास मारहाण करीत जबरदस्तीने गाडी मध्ये बसवून घेवून गेले. पोलीसांनी अपहृत व्यक्ती यास फोन केला असता तो बंद असल्याचे दिसून आले.
दि.२४/११/२०२२ रोजी सकाळी ०४.०० वा. चे सुमारास अपहृत व्यक्ती ललीत चौधरी याने घरातल्या मोबाईल वर फोन करून तो वसई विरार टोल नाका येथे असल्याचे सांगून त्याने अपहरण करणा-या व्यक्तींकडून सुटका करून घेतली असून सुखरूप असल्याचे कळवून पुण्याला येत असलेचे सांगीतले. अपहृत व्यक्ती ललीत चौधरी हे पुण्यात सकाळी आल्यानंतर त्यांचेकडे केलेल्या चौकशीमध्ये अनोळखी आरोपी यांनी त्यांचे अपहरण करून त्यांना गाडीच्या सीटच्या मध्ये पाडून घेवून गेले. असल्याचे सांगीतले. अपहृत व्यक्ती ललीत चौधरी, व त्याचे नातेवाईक तसेच मांजरी येथील व्यापारी यांचेकडे गुन्हायाचे अनुषंगाने बारकाईने चौकशी केली असता अनोळखी आरोपींपैकी एक कैलास रा. पाली राजस्थान नावाचा इसम संशयीत असलेबाबत समजले. हडपसर पोलीसांनी केलेल्या तपासामध्ये आरोपी हे राजस्थान कडे जात असल्याचे निष्पन्न झाल्याने मा. वरीष्ठांच्या परवानगीने तपासप थकाचे अंमलदार सुशील लोणकर, अतुल पंधरकर, प्रशांत टोणपे, भगवान हंबर्डे यांना तात्काळ राजस्थान येथे आरोपीचे मागे रवाना करण्यात आले.
तसेच तपास पथकामधील सपोनि विजयकुमार शिंदे, पोउपनि अविनाश शिंदे व पोना. संदीप राठोड यांनी केलेल्या तांत्रिक विश्लेषणाचे आधारे आरोपींबाबत उपयुक्त माहीती तपास टिम ला देवून त्याआधारे आरोपी १) कैलासराम सोहनलाल जाट वय ३५ वर्ष रा. जाटोंकाबास ता. रोहट जिल्हा पाली राज्य राजस्थान यास शिताफीने ताब्यात घेतले. मा. न्यायालयाने त्याची दिनांक ०५/१२/२०२२ रोजी पर्यंत ०७ दिवस पोलीस कस्टडी रिमांड मंजुर केली आहे.
आरोपी कैलासराम जाट याचेकडे केले तपासात त्याने सांगीतले की, अपहृत ललीत चौधरी याचे त्याच्या आत्याच्या मुलीबरोबर प्रेम संबध असल्याने त्याने त्याचे फरारी साथीदार २) तिकाराम खोत ३) भंवर जाखड़ ४) गोवींद सर्व रा. जालोर राजस्थान यांचेसह अपहरणाचा कट रचला होता. आरोपी कैलासराम जाट व त्याचे साथीदार हे केरळ येथून पुण्याकडे निघून ललीत चौधरी याचे अपहरण करून त्यास बोलेरो गाडी मध्ये घेवून जावून जिवे ठार मारण्याची धमकी देवून वसई विरार टोलनाका जवळील जंगलामध्ये सोडून राजस्थान कडे निघून गेलो असल्याचे सांगीतले. गुन्ह्याचा अधिक तपास सपोनि विजयकुमार शिंदे हे करीत आहेत.
सदरची कामगिरी ही नामदेव चव्हाण अप्पर पोलीस आयुक्त, पुर्व प्रादेशिक विभाग पुणे व विकांत देशमुख पोलीस उप आयुक्त, परिमंडळ ५ पुणे शहर, यांचे मागदर्शनाखाली बजरंग देसाई सहाय्यक पोलीस आयुक्त, हडपसर विभाग पुणे, अरविंद गोकुळे वरिष्ठ पोलीस निरीक्षक हडपसर पोलीस स्टेशन, पुणे शहर, दिगंबर शिंदे पोनि (गुन्हे), विश्वास डगळे पोनि (गुन्हे) यांचे सूचनाप्रमाणे तपास पथकाचे सहायक पोलीस निरीक्षक विजयकुमार शिंदे, पोलीस उप निरीक्षक अविनाश शिंदे, पोलीस अंमलदार, सुशील लोणकर, संदीप राठोड, प्रशांत टोणपे, अतुल पंधरकर, भगवान हंबर्डे, यांचे पथकाने करुन प्रशंसनीय कामगिरी केली.
إرسال تعليق