सुनिल थोरात
महाराष्ट्र पोलीस न्युज
पुणे : पुणे ग्रामीण पोलीस दलातील स्थानिक गुन्हे शाखा येथे कार्यरत असलेले उपनिरीक्षक शिवाजी ननवरे मुळ गावं मु पो कोंढेज ता करमाळा जि सोलापूर यांनी दिनांक १७ मे २०२३ रोजी सकाळी साडे अकरा वाजता जगातील सर्वात उंच ठिकाणी माउंट एवरेस्ट येथे महाराष्ट्र पोलीस तसेच पुणे ग्रामीण पोलीसांचा झेंडा रोऊन पुणे ग्रामीण पोलिसांच्या शिरपेचात मानाचा तुरा रोवला.
शिवाजी ननवरे हे महाराष्ट्र पोलीस मधून चौथे एवरेस्ट वीर तर (पाहिले s IPS सुहेल शर्मा, दुसरे पो. हवा. रफिक शेख, छत्रपती संभाजीनगर, तिसरे सपोनी. संभाजी गुरव पुणे शहर) असे असून पुणे ग्रामीण पोलीस चे पाहिले एवरेस्ट वीर आहेत. शिवाजी ननवरे म्हणाले की
माऊंट एव्हरेस्ट शिखर हे चढाईस अत्यंत खडतर म्हणले जाते पण हार मानेल तो माणूस कसला आपल्या दुर्दम्य इच्छाशक्तीच्या जोरावर शिवाजी ननवरे यांनी बुधवारी दिनांक १७ मे २०२३ रोजी माऊंट एव्हरेस्ट शिखरावर भारताचा तिरंगा आणि महाराष्ट्र पोलिसांचा झेंडा फडकविला शिवाजी ननवरे यांना २०१८ साली पोलीस महासंचालक पदकाने सन्मानित करण्यात आले. २०१९ वर्षी केंद्र सरकारचे आंतरिक सुरक्षा पदकाने सन्मानित तसेच खडतर सेवा पदकाने सन्मानित केले. तसेच त्यांना The Alpinist चे एवरेस्ट वीर भगवान चवले व एवरेस्ट वीर API संभाजी गुरव यांनी बहुमूल्य असे मार्गदर्शन केल्याचे त्यांनी सांगीतले.
याबाबत बोलताना शिवाजी ननवरे सांगीतले की माऊंट एव्हरेस्ट सर करण्यासाठी शारीरिक क्षमते बरोबरच मानसिक क्षमता देखील असणे आवश्यक आहे उंच ठिकाणामुळे हवेतील तसेच शरीरातील ऑक्सिजनचे प्रमाण कमी असते त्यामुळे साधारण चालताना देखील शरीराची दमछाक होते, परंतु जिद्द आणि आत्मविश्वास असणारे ट्रेकर्सच नेहमी यशस्वी होतात
माऊंट एव्हरेस्ट हे जगातील सर्वात उंच शिखर आहे. हिमालय पर्वतातील हे शिखर ८८४८.८६ मीटर उंचीचे असून नेपाळ चीन सीमेवर स्थित आहे. नेपाळमध्ये नेपाळी मध्ये याला 'सागर माथा' तर तिबेट मध्ये याला 'चोमोलुंगा' नावाने ओळखलं जातं
या कामगिरीने महाराष्ट्रातील पोलीसांचे मनोबल नक्कीच वाढेल यात शंका नाही.
إرسال تعليق