इंदापूर प्रतिनिधी : अतुल सोनकांबळे
इंदापूर:(दि.२१ सप्टेंबर)
सध्याच्या धावपळीच्या जीवनात मानवाला हाडांचे आजार हा सर्वच कुटुंबात जिव्हाळ्याचा विषय बनला आहे. विशेषतः ज्येष्ठ व्यक्तींना हाडांच्या अनेक समस्या उद्भवतात. वय वाढताना या समस्या वाढू नयेत, यासाठी लवकर काळजी घेतली, तर हे आजार टाळता येणे शक्य आहे. विशेषतः मणके व गुडघ्यांच्या समस्या असतात. हाडांच्या आजारांबाबत पुण्यातील संचेती हॉस्पिटल केवळ राज्यातच नव्हे, तर जागतिक पातळीवर प्रसिद्ध आहे. सध्या हॉस्पिटल च्या अत्याधुनिक अश्या नवीन संचेती एडव्हान्स ऑर्थोकीअर हॉस्पिटल ग्रीन, स्मार्ट आणि हाय टेक १२ मजली इमारतीचे काम पूर्ण झालेले असून त्यामध्ये ३ मजले भूमीगत पार्किंगसाठी राखीव आहेत. और्थो, स्पाइन, न्युरोसर्जरी, रोबोटिक गुडघे आणि खुबा रोपण आणि रोबोटिक ओ आर्म स्पाइन सर्जरी यासह १८ हायटेक ऑपरेशन थिएटर असणार आहेत. वैद्यकीय क्षेत्रात कार्यरत असताना प्रत्येकाने सेवाभाव ठेवला पाहिजे. रुग्ण सेवा हीच ईश्वर सेवा हे ब्रीद वाक्य ठेवून आम्ही कार्यरत आहोत, यापुढेही कार्यरत राहु असे प्रतिपादन संचेती हॉस्पिटलचे चेअरमन डॉ. पराग संचेती यांनी केले.
इंदापूर येथे ते पत्रकारांशी संवाद साधताना बोलत होते.पुढे ते म्हणाले की पाठीच्या शस्त्रक्रियेच्या मानसिक भीतीपासून मुक्त होणे अत्यावश्यक आहे. कदाचित माहित नसेल, परंतु बहुतेक सामान्य मणक्याच्या शस्त्रक्रियांमध्ये पाठीचा कणा समाविष्ट नसतो. आजची अत्याधुनिक शस्त्रक्रिया उपकरणे, इमेजिंग उपकरणे आणि मॉनिटरिंग उपकरणे सर्जनला मणक्यामध्ये अभूतपूर्व प्रवेश आणि दृश्ये प्रदान करतात, ज्यामुळे मणक्याची शस्त्रक्रिया पूर्वीपेक्षा अधिक सुरक्षित होते. पाठदुखी टाळण्यासाठी शस्त्रक्रिया आणि जीवनदौलीतील बदलांबद्दलची भीती दूर करण्यासाठी जनजागृती करण्याची गरज आहे.
कोविड - १९ मुळे घरातून दीर्घकाळ काम केल्यामुळे अनेक लोकांमध्ये मणक्याच्या समस्या निर्माण झाल्या आहेत. हे अत्यावश्यक आहे की आपण आपल्या शरीराने दिलेलीचिन्हे समजून घेणे आणि समस्या वाढण्यापूर्वी सुधारणात्मक कृती सुनिश्चित करणे आवश्यक आहे.
पाठीच्या दुखण्यावर बराच काळ उपचार न केल्यास स्पाइनल स्टेनीसिस सारख्या परिस्थिती विकसित होतात. वारंवार पाठदुखीसाठी इतर अनेक घटक जबाबदार आहेत. असे प्रतिपादन संचेती हॉस्पिटल चे प्रसिद्ध मेंदू व मणका विकार तज्ञ डॉ. शैलेश हदगावकर यांनी केले.
डॉक्टर पराग संचेती यांनी प्रथमच सुरू केलेली बोन बैंक ही संकल्पना फार उपयोगी आहे.जिवित किंवा जिवितहानी झालेल्या व्यक्तींकडून मिळालेल्या हाडांचा साठा असतो. रक्तबैंकच्या जसे रक्ताची कमी असलेल्या रुग्णांना रक्ताचा पुरवठा करते,
तसेच बोन (हाड) ची गरज असताना हाडाचा पुरवठा करण्यात सक्षम असते.
संचेती रुग्णालयाचे चेअरमन डॉ. पराग संचेती यांच्या नेतृत्वाखाली या बोन बँकेची सुरुवात करण्यात आली आहे. या बोन बँकेचे प्रमुख डॉ. पराग संचेती आहेत.
हाडांची कमतरता भरून काढण्यासाठी अशा बँकेतील हाडे अत्यंत उपयुक्त ठरतात.
हाडांच्या विकारांमुळे होणाऱ्या अपंगत्वावर मात करण्यास मदत होते. तसेच गुंतागुंतीच्या शस्त्रक्रिया यशस्वी होण्यास मदत होते.
बोन बॅंक ही संकल्पना महाराष्ट्रातील संचेती रुग्णालयात प्रथमच सुरू करण्यात आली असून ती अनोखी आहे. यामुळे बर्याच रुग्णांना फायदा होईल.
मानवी स्पर्शासह अद्ययावत शोध हा डॉ. संचेती यांचा एक अद्वितीय गुण आहे.तसेच डॉ. के. एच. संचेती यांनी सुरू केलेले महान मानवतावादी कार्य डॉ. पराग संचेतींनी सुरू ठेवले आहे असे प्रतिपादन डॉ. समीर मगर यांनी केले.
आज होणाऱ्या संचेती हॉस्पिटलच्या मोफत शिबिराचं उद्घाटन संचेती हॉस्पिटलचे चेअरमन डॉ. पराग संचेती यांच्या उपस्थितीत झाले. तरी इंदापूर शहरातील नागरिकांनी या शिबिराचा लाभ घ्यावा असे प्रतिपादन ज्येष्ठ नागरिक संघटनेचे अध्यक्ष श्री. आबा पाटील यांनी केले.
इंडियन मेडिकल असोसिएशन इंदापूर नेहमी सामाजिक उपक्रम इंदापूर शहरांमध्ये राबवत असते. त्याच अनुषंगाने आज संचेती हॉस्पिटल चे चेअरमन डॉ. पराग संचेती व
त्यांची पूर्ण टीम आपल्याला डॉ. समीर मगर यांचे मगर ॲक्सिडेंट व डोळ्यांचे हॉस्पिटल, इंदापूर येथे मोफत तपासणी शिबिराचे आयोजन करण्यात आलेले आहे. असे उपक्रम घेण्यास इंडियन मेडिकल असोसिएशन कटिबद्ध आहोत, असे प्रतिपादन इंडियन मेडिकल असोसिएशन इंदापूर यांचे अध्यक्ष डॉ. अनिल पुंडे यांनी केले.
इंदापूर तालुका मेडिकल असोसिएशनचे अध्यक्ष डॉ. होरकाटे म्हणाले की हाडांचे आजार आपल्या भारतीय जीवनशैलीमध्ये आणि कोविड-१९ नंतर खूपच वाढले आहेत.अशातच डॉ. पराग संचेती आणि त्यांच्या टीमने इंदापूर शहरांमध्ये मोफत शिबिराचे आयोजन करून ह्या संधीचा लाभ मिळवून दिला त्याबद्दल त्यांचे मनःपूर्वक धन्यवाद.
إرسال تعليق