'हा' मेसेज आलेला असेल तर दुर्लक्ष करू नका! : आधारकार्ड चा मॅसेज आहे का खात्री करा__

 शुभांगी वाघमारे

महाराष्ट्र पोलीस न्यूज

पुणे : १ डिसेंबर २०२२ |आधार कार्ड म्हणजे आपल्या ओळखीचे सर्वात महत्त्वाचे दस्तऐवज असून सगळीकडे त्याची गरज आहे. अनेकदा आधारशी संबंधित खोटे मेसेज पाठवले जातात म्हणून याकडे दुर्लक्ष करण्याचा सल्ला देण्यात येतो. 

          आता मात्र आधारशी संबंधित अत्यंत महत्वाचा मेसेज सरकारकडून पाठविण्यात येत आहे. 

          जर तुम्हालाही आधार कार्ड उपडेट करा असा मेसेज आला असेल तर त्याकडे दुर्लक्ष न करता मार्गदर्शक तत्त्वांचे नक्की पालन करा. 

           युनिक आयडेंटिफिकेशन अथॉरिटी ऑफ इंडिया अशा आधार कार्ड धारकांना, ज्यांचे कार्ड १० वर्षे पूर्ण होणार आहे, त्यांचे बायोमेट्रिक तपशील अपडेट करण्यासाठी संदेश पाठवत आहे. 

           मेसेजमध्ये आधार कार्डच्या वैधतेच्या शेवटच्या तारखेचा संदर्भ देत असे म्हटले जात आहे की, 'कृपया तुमच्या जवळच्या आधार केंद्राला भेट देऊन तुमचे बायोमेट्रिक्स तपशील त्वरित अपडेट करा. 

             महत्त्वाचे म्हणजे हे कोणतेही शुल्क न घेता करता येते. हा संदेश काहीसा अशा प्रकारचा आहे. यासाठी नागरिकांनी सावध राहणे गरजेचे__

          इलेक्ट्रॉनिक्स आणि माहिती तंत्रज्ञान मंत्रालयाने अलीकडेच जारी केलेल्या त्यांच्या एका अधिसूचनेत म्हटले आहे की, आधार अपडेट केल्यानंतर वापरकर्त्यांशी संबंधित अचूक माहिती सेंट्रल आयडेंटिटी डेटा रिपॉझिटरी मध्ये उपलब्ध होईल. 

          आधार कार्डधारक ओळखपत्र आणि पत्त्याच्या पुराव्याद्वारे त्यांचे आधार कार्ड नोंदणीच्या तारखेपासून दर १० वर्षांनी अद्यतनित करू शकतात. तपशिल अद्ययावत करण्यासाठी नियमावली आणि तरतूदीमध्येही बदल करण्यात आले आहेत.