प्रिंट व डिजिटल मीडिया या पत्रकार संघाची पत्रकार मार्गदर्शन व कार्यशाळा मेळावा : लोणी काळभोर

 सुनिल थोरात

महाराष्ट्र पोलीस न्युज

पुणे (हवेली) : प्रिंट व डिजिटल मीडिया या पत्रकार संघाची पत्रकार मार्गदर्शन व कार्यशाळा मेळावा आयोजित करण्यात आला असून पुणे व सातारा जिल्ह्यातील जवळपास पाचशे पत्रकार उपस्थित राहतील अशी माहिती संघाचे अध्यक्ष सुनिल जगताप यांनी दिली. 

           लोणी काळभोर (ता. हवेली) येथील एमआयटी विद्यापीठातील राजकपूर सभागृहात शनिवार दि. २२ जुलै २०२३ रोजी सकाळी दहा वाजता या मेळाव्याचे आयोजन करण्यात आले आहे. पत्रकार "आपणच आपल्यासाठी" आणि फक्त "पत्रकार विकास हाच आमचा ध्यास " या भूमिकेने प्रेरित होऊन पत्रकार संघाच्या वतीने हि मार्गदर्शक कार्यशाळा व स्नेह मेळावा आयोजित करण्यात येणार आहे. 

             पत्रकार मार्गदर्शन कार्यशाळेचे उदघाटन दै. लोकमतचे संपादक संजय आवटे यांच्या हस्ते तर कार्यक्रमाचे अध्यक्षस्थान दौंडचे आमदार राहुल कुल भूषविणार आहेत. यावेळी जेष्ठ विधीज्ञ असीम सरोदे, पुणे जिल्हा मध्यवर्ती सहकारी बॅंकेचे संचालक प्रदीप कंद संचालक, विश्वराज हाॅस्पिटलच्या संचालिका डॉ अदिती कराड, कृषी उत्पन्न बाजार समितीचे सभापती दिलीप काळभोर, उपसभापती रवींद्र कंद हे उपस्थित रहाणार आहेत. यावेळी ''पत्रकार व त्यांची सामाजिक जबाबदारी" या विषयावर संजय आवटे यांचे तसेच "पत्रकारिता आणि न्यायिक बंधने " या विषयावर ज्येष्ठ विधिज्ञ असीम सरोदे यांचे व्याख्यान होणार आहेत.

              दुपारी २. ३० वाजता स्नेहमेळावा होणार असून त्याचे उदघाटन मुख्यमंत्री वैद्यकीय सहायता कक्षाचे प्रमुख मंगेश चिवटे यांच्या हस्ते होणार असून यावेळी आयबीएन लोकमतचे वरिष्ठ पत्रकार विलास बडे, आमदार दत्ता भरणे, आमदार संजय जगताप, एमआयटी विद्यापीठाचे अध्यक्ष मंगेश कराड यावेळी उपस्थित रहाणार आहेत. कार्यक्रमाचे अध्यक्षस्थान आमदार अशोक पवार भूषविणार आहेत. 

            मंगेश चिवटे यांना आरोग्यदूत पुरस्कार व असामान्य कर्तृत्व पुरस्कार जगातील सर्वोच्च शिखरौ माऊंट एव्हरेस्ट सर केल्याबद्दल पोलीस उपनिरीक्षक शिवाजी ननवरे यांना प्रदान करण्यात येणार आहे. 

              या पत्रकारांच्या हक्काच्या व्यासपीठावर कुठलाही हेवेदावे न ठेवता प्रिंट व डिजिटल मीडियात सक्रिय असलेल्या व सहभागी होणार्या सर्व पत्रकारांनी उपस्थित रहावे. असे जाहीर आवाहन पत्रकार संघाचे अध्यक्ष यांनी केले.

             यावेळी कार्याध्यक्ष जनार्दन दांडगे, उपाध्यक्ष राजेंद्र काळभोर, सचिव संदीप बोडके, खजिनदार विजय काळभोर, सल्लागार तुळशीराम घुसाळकर, प्रभाकर क्षीरसागर उपस्थित होते.