विरुद्ध दिशेने जाणाऱ्या भाजप नगरसेवकाची गाडी अडवली, PSI ची कंट्रोल रुमला बदली, कर्तव्य बजावताना उचलबांगडी महाराष्ट्रात चालय काय?
सुनिल थोरात (संपादक)
महाराष्ट्र पोलीस न्युज
छत्रपती संभाजीनगर : छत्रपती संभाजीनगर मधील एक खळबळजनक घटना.. पोलिस अधिकार्यांची बदली
कित्येकदा रोडवर अपघात होण्यास बेशिस्त वाहतूक व बेशिस्त चालक हे सर्वात जास्त जबाबदार असतात बऱ्याच वेळेला वाहनचालक थोडीशी जागा मिळाल्यानंतर विरुद्ध बाजूने ओव्हरटेक करतात. विरुद्ध बाजूने ओव्हरटेक करणे, शॉर्टकट्सचा वापर करणे. वाहनचालकास संयम नसल्याने या प्रकरणात नाहक वाहन चालक अथवा सामान्य नागरिक यांच्या जीवावर येते.
यासाठी वाहतुकीच्या नियमांचे उल्लंघन केल्यानंतर सर्वसामन्याकडून वाहतुक शाखेच्या पोलीस कर्मचार्याकडून दंड आकारला जातो. बेशिस्त वाहनचालकांवर अंकुश ठेवण्याचे उत्तम कार्य बजावतात.
मात्र जर लोकप्रतिनिधींना सर्व नियम नियम माफ आहेत का? असा सवाल उपस्थित होत आहे. याचे कारण म्हणजे छत्रपती संभाजीनगरमध्ये भाजपा माजी नगरसेवकाला विरुद्ध दिशेने (Wrong Side) जाऊ न दिल्याने पीएसआयची कंट्रोल रूमला बदली करण्यात आल्याचा प्रकार समोर आहे. पोलिस अधिकारी यांनी चोख कर्तव्य बजावल्याची शिक्षा मिळाली अशी प्रतिक्रिया नागरिकांमध्ये या घटनेनंतर येत आहे.
वाहतूक पोलिसांचे काम वाहतुकीचे नियम करण्यासाठी वाहतूक पोलिसांची नियुक्ती करण्यात येते. मात्र नियमांचे पालन करणाऱ्या पोलिसांवरच कारवाई केल्याने आश्चर्य व्यक्त करण्यात येत आहे.
नेमकं घडले कसे?
१९ फेब्रुवारी रोजी शिवजयंतीनिमित्त आयोजित केलेल्या रॅलीमुळे छत्रपती संभाजीनगरमध्ये काही ठिकाणी नाकाबंदी करण्यात आली होती. शिवजयंतीला भाजपा माजी नगरसेवकाला विरुद्ध दिशेने जाऊ न देणाऱ्या पीएसआयची कंट्रोल रूमला बदली करण्यात आली आहे. पोलिसांना कर्तव्य बजावण्याची शिक्षा मिळाली आहे. पोलीस आयुक्त मनोज लोहिया यांची पीएसआय सचिन मिरधे यांनी कंट्रोलला बदली केली आहे.
शिवजयंतीच्या दिवशी मोटार सायकल रॅली भाजपा माजी नगरसेवक अनिल मकरिये हे विरुद्ध दिशेने (Wrong Side) जाऊ द्या अशी मागणी करत होते. पोलिसांनी अडवल्याने थोडी पोलिसांसोबत हुज्जत घातली. या प्रकरणात अदखलपात्र गुन्हा देखील दाखल झाला होता. मात्र भाजपा नगरसेवकाला विरुद्ध दिशेने जाऊ न दिल्याची आणि कर्तव्य बजावल्याची पीएसआयला शिक्षा मिळाली आहे. त्यांची कंट्रोलला बदली केली गेली.
वाहतुकीचे नियम पाळावेत यासारख्या सूचना पोलिसांकडून दिल्या जातात. मात्र, लोकांचे प्रतिनिधीत्व करणारेच नियम मोडत असतील तर त्यांच्यावर कोण कारवाई करणार. याची गंभीर दखल कोण घेणार? असा सवाल या निमित्ताने उपस्थित होत आहे.
Post a Comment