इंदापूर पोलीस स्टेशनच्या पदोन्नती झालेल्या पोलीस कर्मचाऱ्यांचा महारुद्र पाटील यांच्या कडून सत्कार संपन्न
इंदापूर तालुका प्रतिनिधी शिवाजी पवार
पुणे ग्रामीण पोलीस दलातील तब्बल ५९ पोलीस कर्मचाऱ्यांची पोलीस हवालदार पदाहून सहाय्यक पोलीस उपनिरीक्षक पदावर, तर सहाय्यक पोलीस उपनिरीक्षकांची पोलीस उपनिरीक्षक पदावर पदोन्नती झाली होती. त्यामध्ये इंदापूर पोलीस स्टेशनचे के. बी. शिंदे, सुरेंद्र वाघ व संजय मल्हारे यांची सहाय्यक पोलीस उपनिरीक्षकपदी आणि कल्याणी जाधव खंडागळे यांची सहाय्यक पोलीस फौजदार म्हणून खात्या अंतर्गत पोलीस कर्मचाऱ्यांची पदोन्नती झाली होती. त्या अनुषंगाने राष्ट्रवादी काँग्रेस पक्षाचे कार्यअध्यक्ष महारुद्र पाटील यांच्या माध्यमातून पदोन्नती झालेल्या पोलीस कर्मचाऱ्यांचा सत्कार करण्यात आला.
यावेळी बोलताना महारुद्र पाटील म्हणाले की, इंदापूर पोलीस स्टेशनचे पोलीस कर्मचारी हे अतिशय उत्कृष्ट काम करत आहेत. त्या केलेल्या कामाची पोचपावती म्हणून त्यांना पदोन्नती मिळाली आहे. यापुढेही ते असेच उत्तम कामगिरी करत राहतील. एक सामाजिक जाणीव म्हणून
संबंधित पोलीस कर्मचाऱ्यांचा सन्मान करताना आम्हाला अभिमान वाटतो.
यावेळी इंदापूर तालुका राष्ट्रवादी काँग्रेस शरदचंद्र पवार पक्ष राष्ट्रवादी काँग्रेस महिला तालुकाध्यक्ष छायाताई पडळकर, शहराध्यक्ष ॲड. इनायतअली काजी, पुणे जिल्हा उपाध्यक्ष समदभाई सय्यद, महिला शहराध्यक्ष रेश्मा शेख, युवकचे कार्याध्यक्ष श्रीकांत मखरे, अक्षय कोकाटे, सचिन जगताप, भारत जगताप व सामाजिक सेल चे कार्याध्यक्ष विकास खिलारे सह आदी मान्यवर उपस्थित होते.
إرسال تعليق