१०,७७,५००/-किमतीच्या घरफोडी दरोड्याचा गुन्हा उघडकीस__

 सुशीलकुमार अडागळे

महाराष्ट्र पोलिस न्युज 

पुणे (ता. बारामती) : वडगाव निंबाळकर पोलीस स्टेशन हद्दीत मौजे चोपडज, येथे (दि. २८) रोजी रात्री ०२.०० वाजण्याच्या सुमारास फिर्यादीचे राहत्या घरात अनोळखी चोरट्यांनी घराचे पाठीमागील सेफ्टी दरवाजाचे आतील कडी काढून घरातील बेडरुममध्ये येवुन आरोपीने फिर्यादीचे तोंड दाबुन चाकूचा धाक दाखवून तुम चुप रहो आपके पास जो है वह दे दो असे हिंदीत बोलून दुसर्या आरोपीने फिर्यादीचे गळ्यातील तीन तोळा वजनाचे सोन्याचे मनी मंगळसूत्र कटरने कापून व दोन्ही हातातील ५ तोळे वजनाच्या सोन्याच्या बांगड्या व बेडरुममध्ये असलेले लोखंडी कपाटातील हिरे, सोन्याचे व चांदीचे दागिने व रोख रक्कम ८५ हजार रुपये असा एकुण १०,७७,५००/- किमतीचा माल चोरट्यांनी लंपास केला. 

            वडगाव निबाळकर पोलीस स्टेशन येथे गु. रजि.नं. ४१५/२०२२, भा.दं.वि कलम ३९२,३४ प्रमाणे गुन्हा दाखल करण्यात आला. 

          गंभीर स्वरूपाचा गुन्हा असल्याने गुन्हा उघडकीस आणण्यासाठी मा. पोलीस अधीक्षक, पुणे ग्रामीण अंकित गोयल, मा. अपर पोलीस अधीक्षक, बारामती विभाग आनंद मोईटे, मा. उप विभागीय पोलीस अधिकारी, बारामती विभाग गणेश इंगळे यांच्या मार्गदर्शनाखाली पोलीस निरीक्षक, स्थानिक गुन्हे शाखा, पुणे ग्रामीण अविनाश शिळीमकर व वडगाव निंबाळकर पोलीस स्टेशनचे सहा. पोलीस निरीक्षक सोमनाथ लांडे यांच्या नेतृत्वाखाली स्थानिक गुन्हे शाखेतील पो.स. ई. अमित सिद-पाटील, सहा फौज, रविराज कोकरे, बाळासाहेब कारंडे, पो. हवा. स्वप्निल अहिवळे, अभिनीत एकशिंगे, सचिन घाडगे, राजू मोमीन, विजय कांचन, आसिफ शेख, सहा फौज काशीनाथ राजापुरे, वडगाव निबाळकर पो.स्टे. कडील पोहवा. सूर्यकांत कुलकर्णी, पो.ना. हिरामण खोमणे, भाउसाहेब मारकड, पोको पोपट नाळे, अमोल भुजबळ, नामदेव साळुंके यांची संयुक्त पथके तयार करून त्यांना गुन्हाच्या तपासासाठी नेमण्यात आल्या. 

          सदरचा गुन्हा हा गंभीर स्वरूपाचा असल्याने पोलीस पथकाने गोपनीय बातमीदारा मार्फत संदिपान झुनझुन्या भोसले त्याचे टोळीतील सदस्याने केला असल्याची माहिती मिळाल्याने आरोपी १) संदीपान झुंझून्या भोसले, रा. पिंपळी, ता. बारामती, जि. पुणे, २) शरद झुनझुन्या भोसले, मूळ रा. पिपळी, ता. बारामती, जि. पुणे. सध्या रा. काडी, ता. दौड जि.पुणे, ३) अमोल नहाना काळे, रा. पोबलवाडी, ता. करमाळा, जि. सोलापूर, ४) रितेश अर्जुन काळे, रा कासुर्डी, ता. दौड, जि. पुणे, ५) पांड्या उर्फ पांडुरंग गोरख उर्फ गोरया भोसले वय २५ वर्ष मूळ रा टाकली, ता. करमाळा, जि. सोलापूर, सध्या रा. कासुर्डी, ता. दौड, जि. पुणे यांना ताब्यात घेऊन इतर त्यांचे ३ साथिदारांचा शोध चालु आहे. 

         गुन्हा हा पाच पेक्षा जास्त आरोपींनी केलेला असल्याने गुन्हयास दरोड्याचे कलम लावण्यात आले आहे.

         या गुन्हयातील अटक आरोपीकडून गुन्हयात सोन्याचे कानातील टॉप्स व चांदीच्या पट्ट्या जप्त करण्यात आलेल्या असून गुन्हयात वापरलेली होंडा कंपनीची युनिकॉन मोटार सायकल जप्त करण्यात आलेली आहे. गुन्हयातील आरोपींना (दि.०५) पर्यंत पोलीस कोठडी, रिमांड मिळालेली असून गुन्हयाचा पुढील तपास सहा. पोलीस निरीक्षक सोमनाथ लांडे हे करीत आहेत.