सुनिल थोरात
महाराष्ट्र पोलीस न्युज
पुणे हडपसर : पूर्वकल्पना न देता सिरम इन्स्टिट्यूट ऑफ इंडिया कंपनीने साडेसतरानळी मांजरी शिवेचा ब्रिटिशकालीन रस्ता बंद केल्याने ग्रामस्थांनी संतप्त होऊन ठिय्या आंदोलन केले.
अचानक पत्रे मारून पाया खोदून रस्ता बंद केल्याने ग्रामस्थ व पोलिसांमध्ये धक्काबुक्की झाली. परंतु हडपसरचे वरिष्ठ पोलीस निरीक्षक अरविंद गोकुळे यांनी जमावाला शांत राहण्याचे आवाहन केले.
आमदार चेतन तुपे, पोलीस निरीक्षक अरविंद गोकुळे यांनी सिरम कंपनीचे आदर पूनावाला याच्याशी सकारात्मक चर्चा करून रस्ता खुला करण्यात आला.
या दरम्यान जोपर्यंत रस्ता खुला होत नाही तोपर्यंत आम्ही चर्चा करणार नाही असा पवित्र ग्रामस्थांनी पवित्रा घेतल्याने काही काळ वातावरण संतप्त झाले होते. मोठा पोलीस फौजफाटा असल्याने सामंजस्याने अडथळे दूर करून रस्ता खुला झाल्याने पुढील दुर्घटना टळली.
सिरम कंपनीने कुठलीही पुर्वसुचना न देता. सेवेचा रस्ता बंद केल्याने त्या भागातील ग्रामस्थ संतप्त झाले. नागरिकांच्या संतप्त भावना पाहून कंपनीने रस्ता खुला केला. आदर पुनावाला यांच्या सोबत बैठक झाली आहे. या विषयावर चर्चा झाल्याचे आमदार चेतन तुपे यांनी सांगितले. या संदर्भात सिरम इन्स्टिट्यूट ऑफ इंडियाच्या व्यवस्थापनाशी संपर्क साधला असता त्यांनी प्रतिक्रिया देण्यास नकार दिला. सिरमचे व्यवस्थापकीय संचालक आदर पुनावाला यांच्या समवेत झालेल्या बैठकीतून हा रस्ता सेवेचा रस्ता असून अनेक वर्षापासून खुला आहे गावातील नागरिकांची अडचण होऊ नये यासाठी हा रस्ता बंद करू नये अशी आग्रही भूमिका घेतली.
यावेळी आमदार चेतन तुपे, माजी उपसभापती संदीप तुपे, माजी उपसरपंच रुपेश तुपे, भूषण तुपे, माजी उपसरपंच नितीन तुपे यांच्यासह महिला व नागरिक मोठ्या संख्येने उपस्थित होते.
Post a Comment