सुनिल थोरात (संपादक)
महाराष्ट्र पोलीस न्युज
पुणे (हवेली) : पुर्व हवेलीतील पुणे सोलापूर रोड, कदमवाकवस्ती ग्रामपंचायत मधील कवडीपाठ येथे १५ दिवसांपासून एका जागेवर उभ्या असलेल्या चारचाकी गाडी आगीत जळून खाक झाल्याची घटना घडली आहे.
कदमवाकवस्ती ग्रामपंचायत हद्दीतील गुजरवस्ती, गणपती मंदिरामागे सोमवारी (ता. ५) दुपारी दोन वाजण्याच्या सुमारास ही घटना घडली.
या घटनेत चारचाकी गाडीचे मोठे नुकसान झाले आहे. अग्निशामक दलाच्या जवानांनी पाऊण तासाच्या अथक प्रयत्नानंतर ही आग आटोक्यात आणली. दीपक एकनाथ पाटील असे चारचाकीच्या मालकाचे नाव असून. या आगीत मारूती सुझुकी SX4 MH 12 SX 1358 चारचाकी गाडीचे मोठे नुकसान झाले मात्र कोणतीही जीवितहानी झाली नाही.
याबाबत बाबासाहेब चव्हाण यांनी दिलेल्या माहितीनुसार, गाडी मालक दीपक पाटील हे गुजरवस्ती परिसरातील गणपती मंदिराच्या पाठीमागे राहतात. त्यांच्याकडे त्यांच्या मालकीची चारचाकी गाडी आहे. पाटील हे कामानिमित्त बाहेर गेल्याने त्यांनी त्यांची गाडी राहत असलेल्या ठिकाणी मोकळ्या जागेत लावली होती.
सोमवारी सकाळी अज्ञात व्यक्तींनी येथे कचरा पेटवल्याची माहिती नागरिकांनी दिली होती. पेटवलेला कचऱ्यातून त्याठिकाणी वाळलेल्या गवताने पेट घेतला असा प्राथमिक अंदाज आहे. या घटनेची माहिती पाटील यांना त्यांच्या कुटुंबियांनी फोनद्वारे दिली. पाटील घटनास्थळी दाखल होईपर्यंत मारूती सुझुकी SX4 MH 12 SX 1358 गाडी आगीच्या पुर्णपणे भक्ष्यसात झाली होती.
दरम्यान, या घटनेची माहिती अग्निशमन दलाचे बाबासाहेब चव्हाण यांनी अग्निशमन दलाला देताच पुणे मनपा काळे बोराटे नगर, अग्निशमन केंद्राचे चालक अमित सरोदे, फायरमन सचिन आव्हाळे, स्वप्निल टुले, केतन घाडगे, पवन गावडे आणि 'पीएमआरडीए'चे चालक ओंकार पाटील, महेश पाटील आणि प्रकाश मदने यांनी घटनास्थळी दाखल होऊन अग्निशामक दलाच्या जवानांनी अथक प्रयत्नाने आग आटोक्यात आणली. सुदैवाने ह्यामध्ये कोणतीही जीवित हानी झाली नाही.
.... अग्निशमन दलाचे बाबासाहेब चव्हाण यांचे परिसरात कौतुक.....
जवान बाबासाहेब चव्हाण घटनेची माहिती मिळताच सुटी असतानाही तत्काळ घटनास्थळी दाखल झाले. त्यांनी पुणे महानगरपालिकेच्या अग्निशमन दलाला फोन करून माहिती दिली. सुरक्षेची कोणतीही साधने नसतानाही गाडी येईपर्यंत पाण्याच्या सहायाने आग विझवण्याचा प्रयत्न केला. या वेळी परिसरातील नागरिकांनी आग पाहण्यासाठी मोठी गर्दी केली होती.
Post a Comment