!!! मंगेशकर नावाला कलंक महिलेच्या नातेवाईकांनी डिलिव्हरीच्या पेशंट साठीचे 10 लाख ऍडव्हान्स भरले नाहीत म्हणुन महिलेचा मृत्यु !!!
पुणे प्र. पंकज सरोदे
दिनांक 04 एप्रिल 2025 वार शुक्रवार या बाबत सविस्तर वृत्त असे की
*पुण्यामध्ये हृदयनाथ मंगेशकर हॉस्पिटल मध्ये ऍडमिट करून घेण्यापूर्वी दवाखान्यात भरण्या साठी दहा लाख रुपये नाहीत केवळ एवढ्या कारणासाठी एका बाळंतपणासाठी आलेल्या एका महिलेला एडमिट करून घेतलं नाही व परिणामी तिला जीवाला मुकावे लागले* ही बाब अत्यंत खेदजनक असून *मंगेशकर सारख्या धर्मदाय आयुक्तकडे रजिस्टर असलेल्या हॉस्पिटल ने त्यांच्याकडील दहा ते पंचवीस टक्के बेड आर्थिक दृष्ट्या दुर्बल व मोफत उपचारासाठी रिझर्व ठेवण्याचा कायदा असतानाही भरण्यासाठी पैसे नाहीत या कारणासाठी त्या महिलेला ऍडमिट करून घेतले नाही* आणि त्यातच तिचा जीव गेलेला आहे *नाव मोठं आणि लक्षण खोटं असणाऱ्या अशा या मंगेशकर हॉस्पिटलचा हा अत्यंत असंवेदनशील प्रकार माणुसकीला काळीमा फासणारा आहे.* वास्तविक पाहता धर्मदाय आयुक्त कडे नोंद असलेल्या सर्व हॉस्पिटल नी *दवाखान्याच्या दर्शनी भागात बोर्डवर धर्मादाय आयुक्त संचलित असे लिहिण्याचा शासनाने कायदा केलेला आहे.* अशी हॉस्पिटल निर्माण होत असताना *शासनाच्या मालकीची जागा घेतात शासनाकडून वेगवेगळ्या सवलती घेतात इन्कम टॅक्स मधून सूट घेतात एवढेच नाही तर स्थानिक सरकारकडून पाणीपट्टी सूट घरपट्टीत सूट सर्व प्रकारचे आर्थिक लाभ घ्यायचं आणि गोरगरिबांच्या पेशंट कडून सुद्धा अशा पद्धतीने पैसे घेतल्याशिवाय त्यांना उपचार द्यायचे नाहीत* ही अत्यंत लाजिरवाणी गोष्ट आहे. त्यामुळे अशा या पैसे खाऊ मंगेशकर हॉस्पिटल चा परवाना रद्द करणे गरजेचे आहे त्यांच्यावर मनुष्यधाचा गुन्हा दाखल करणे गरजेचे आहे. वास्तविक पाहता मंगेशकर हॉस्पिटल त्या महिलेकडून किंवा तिच्या नातेवाईकांकडून पिवळ्या रेशन कार्ड व महात्मा ज्योतिबा फुले जन आरोग्य योजनेचा लाभ किंवा अगदी पंतप्रधान आयुष्यमान भारत योजनेचा लाभ देऊ शकले असते तथापि केवळ पैशाच्या हव्यासापोटी पैशाची मागणी करत बसलेल्या मंगेशकर हॉस्पिटल ने वरील योजनांचा लाभ देण्याऐवजी त्या महिलेला उपचार देण्याच्या टाळून पैसे हडपण्याच्या हेतूने अशा पद्धतीने उपचार करण्यात दिरंगाई केली त्या महिलेला सकाळी नऊ वाजल्यापासून दुपारी दोन पर्यंत दवाखान्याच्या दारात बसून राहावं लागलं त्याच ठिकाणी तिला ब्लीडिंग सुरू झालं तिची मानसिक खच्चीकरण झाले आणि अशा अशाही परिस्थितीत तिला जीवाला मुकावे लागले ही बाब अत्यंत खेदाची आहे या गोष्टीवर सर्वपक्षीय आंदोलन उभे राहणे गरजेचे आहे.
संविधानाने सर्वांना समान अधिकार दिलेले आहेत त्यात सर्वात महत्वाचा जगण्याचा अधिकारच यामुळे नाकारला गेला आहे. सदर महिला ही एका आमदार साहेबाच्या पी ए ची पत्नी होती.तिच्या साठी मंत्रालयातुन तिला ऍडमिट करून घ्या म्हणून ही फोन आला होता तरीही तिला ऍडमिट केले नाही. याउलट तिला ससून हॉस्पिटल ला न्या असे सांगितले.त्यामुळे नाईलास्तव तिला दुसरीकडे न्यावे लागले त्यामुळे उपचारासाठी विलंब झाला व महिलेला प्रा णा स मुकावे लागले. त्या महिलेला दोन जुळ्या मुली झाल्या. हॉस्पिटल च्या अशा निष्काळजी पणामुळे मुलींना त्यांच्या आईला गमवावे लागले.
सदर हॉस्पिटल वर कडक कायदेशीर कारवाई होणे गरजेचे आहे.
*ताजा कलम*
*धर्मदाय आयुक्त यांनी गोरगरिबांना चांगली रुग्णसेवा मिळावी म्हणुन पुण्या मुंबई सारख्या व ग्रामीण व निमशहरी भागातील अनेक हॉस्पिटल्स ना चॅरीटेबल हॉस्पिटल असे गोंडस नाव दिले आहे पण प्रत्यक्षात गरजू रुग्णांची सेवा करायचे सोडुन शासनाला [ धर्मदयायुक्त कार्यालयाला ] खोटी माहिती पुरवून आपला गल्ला भरण्याचे पाप अनेक हॉस्पिटल्स चे स्थानिक प्रशासन करत असतात रद्द अश्या हॉस्पिटल्स ची मान्यताच रद्द करायला पाहिजे अशी जनभावना लोकांची झाली आहे.
पुण्यातलं दीनानाथ मंगेशकर हॉस्पिटल, कायम रुग्णांच्या गर्दीनं गजबजलेलं, पण सध्या हे हॉस्पिटल आंदोलकांच्या गर्दीनं गजबजलेलं आहे आणि त्याला कारण सुद्धा तसंच आहे. दीनानाथ मंगेशकर हॉस्पिटलवर आरोप होतायत, एका गर्भवती महिलेच्या मृत्यूला जबाबदार ठरल्याचे. भाजपचे आमदार अमित गोरखे यांचे पीए सुशांत भिसे यांच्या पत्नी तनिषा भिसे. तनिषा या गर्भवती होत्या, त्यांना प्रसूतीकळा सुरु झाल्या आणि त्यांना दीनानाथ हॉस्पिटलमध्ये नेण्यात आलं. पण हॉस्पिटलनं उपचार करण्याआधी १० लाख रुपये भरा असं सांगितलं. भिसे कुटुंबानं अडीच लाख भरण्याची तयारी दाखवली, पण हॉस्पिटलनं पूर्ण पैसे भरल्याशिवाय ऍडमिट करुन घ्यायला नकार दिला. या सगळ्यात तनिषा यांना दुसऱ्या हॉस्पिटलला नेण्यात आलं, तिथे तिन्ही दोन जुळ्या मुलींना जन्म दिला, पण हॉस्पिटल बदलण्याच्या धावपळीत तनिषा यांचा मृत्यू झाला. तनिषा यांच्यासोबत नेमकं काय घडलं ? हॉस्पिटल प्रशासनावर नेमके काय आरोप होत आहेत
Post a Comment