मेल वरुन कंत्राटदाराच्या बसेसचे कंत्राट रद्द : बसचालक, सुपरवायझर व कर्मचाऱ्यांवर अन्याय__

 सुनिल थोरात

महाराष्ट्र पोलीस न्यूज

👉🏻द एचडीएफसी स्कुल कडून बस कंत्राट अचानक रद्द__

👉🏻तीन महिन्याची नोटीस न देता मेलवरून कंत्राट रद्द__

👉🏻बसचालक, सुरवायझर व कर्मचाऱ्यांवर झाला अन्याय__

👉🏻स्कुल व्यवस्थापनाने नियमानुसार नोटीस द्यावी - कंत्राटदार - जयदीप निकम__

👉🏻स्कुल व्यवस्थापनाच्या मनमानी विरोधात न्यायालयात जाणार__

पुणे (ता हवेली) : हडपसर जवळील मगरपट्टा परिसरातील एचडीएफसी शाळेतील घटनेने चालक मालक आर्थिक संकटात आले. 

        कंत्राटदार जयदीप निकम यांना शाळा प्रशासनाने कोणतीही पूर्व सूचना न देता बस कंत्राटदारास मेल करून कंत्राट रद्द केले असल्याचे कंत्राटदार जयदीप निकम यांनी सांगितले. शाळेच्या व्यवस्थापनाने चुकीचे आरोप करून आमच्यावर अन्याय केला आहे. करारनुसार आम्ही काम करत असून ९० दिवसाची पूर्व सूचना न दिल्याने आम्ही न्यायालयात जाणार असा इशारा कंत्राटदार जयदीप निकम यांनी दिला आहे. 

           मगरपट्टा मधील द एचडीएफसी स्कूल मध्ये कंत्राटदार अनेक वर्षापासून बसच्या चालकांचे कंत्राट काम करत आहे व्यवस्थापनाने अनधिकृतरीत्या जास्त कमिशनची मागणी केली. त्यास नकार दिल्याने कंत्राट बंद केल्याचा मेल पाठविला आहे. 

          या संदर्भात माहिती घेण्यासाठी शाळेजवळ गेले असता गेटच्या आत येण्यास मज्जाव केला व पोलिसांना आणि प्रसिद्धीमाध्यमांना आम्ही पालकांना कोंडून ठेवले अशी चुकीची माहिती दिली. असे कंत्राटदार जयदीप निकम यांनी सांगितले. 

           बस चालकांचे पाच वर्षाचे कंत्राट असून याचा करार झाला आहे त्यामध्ये ९० दिवसाची नोटीस देऊन करार रद्द करता येतो. परंतु अचानक आम्हाला मेल करून कंत्राट रद्द केल्याची कळविले दोन महिन्याचे थकीत बिलही दिलेली नाही. असा आरोप कंत्राटदार जयदीप निकम यांनी केला आहे. 

            आज सकाळच्या सुमारास कंत्राटदार जयदीप निकम, चालक, सुपरवायझर त्या ठिकाणी पोहोचले व्यवस्थापनाने पोलिसांना कळवून आमचे कोणते म्हणणे ऐकून न घेता तिथून आम्हाला बाजूला केल्याचे त्यांनी सांगितले. 

         यावेळी शिवसेना जिल्हा संघटक अरुणा हरपळे, अभिजीत कदम, जयदीप निकम, प्रतीक बर्गे, महेश मोहिते, नचिकेत मोरे, वैभव भगत, मुकेश शेंडकर, अंकिता सातव, ज्योती तोडकर, रेखा पोळी, उमेश भडकवाड उपस्थित होते. एचडीएफसी स्कूल मध्ये पहिली ते दहावी १२७० विद्यार्थी असून ३२ बसेस या शाळेत आहेत अचानक कंत्राट रद्द केल्याने ३२ चालक तीन सुपरवायझर व व्यवस्थापक यांच्या रोजी रोटीचा प्रश्न ऐरनीवर आला आहे. 

         या संदर्भात व्यवस्थापन आणि न्याय भूमिका घेतली नाही. आमच्यावर अन्याय झाला आहे. तरीही मुख्यमंत्री एकनाथ शिंदे, उपमुख्यमंत्री देवेंद्र फडणवीस, शिक्षण मंत्री दीपक केसरकर, माजी मंत्री बच्चू कडू, यांच्याशी पत्र व्यवहार केला आहे. आमच्या न्याय मागण्यासाठी आम्ही न्यायालयाच्या दरवाजा ठोठावणारा असा इशारा कंत्राटदार जयदीप निकम यांनी दिला आहे.

         या सर्व विषयांवर शाळा व्यवस्थापक / प्रिन्सिपल यांच्याशी संपर्क साधला असता आमच्या प्रतिनिधी यांचा फोन उचलला नाही. / संपर्क होऊ शकला नाही.