सुनिल थोरात
महाराष्ट्र पोलीस न्यूज
पुणे (हडपसर) : भारतीय जनता पार्टी व स्मितसेवा फाऊंडेशन आयोजित 'मकर संक्रांत तिळगुळ व हळदी कुंकू समारंभ' व 'होम मिनिस्टर' कार्यक्रमास भाजपा महिला मोर्चा प्रदेशाध्यक्षा मा. चित्रा वाघ ह्या मुख्य अतिथी म्हणून उपस्थित राहून महिलांना मार्गदर्शन केले.
हडपसर गावठाण येथील मनपा ३२ नंबर शाळेत आयोजित कार्यक्रमास हडपसर परिसरातील असंख्य महिला भगिनींनी सहभाग घेतला. यावेळी मा. चित्रा वाघ यांचा भव्य सत्कार करण्यात आला. कार्यक्रमाच्या संयोजिका स्मिता तुषार गायकवाड यांनी शाल, भव्य पुष्पहार व श्री विठ्ठल - संत ज्ञानेश्वर - संत तुकाराम यांचे सुंदर शिल्प मूर्ती देवून सन्मान केला.
या प्रसंगी सन्माननीय अतिथी म्हणून मा. नगरसेविका रंजना नानी टिळेकर, पुणे शहर भाजपा महिला मोर्चा अध्यक्षा नगरसेविका अर्चना पाटील, भाजपा बेटी बचाव बेटी पढाव आघाडी शहर संयोजिका व नगरसेविका आरती ताई कोंढरे, नगरसेविका उज्वला जंगले, भाजपा हडपसर विधानसभा मतदारसंघ महिला मोर्चा अध्यक्षा स्वाती कुरणे, आर.पी.आय. (आठवले गट) पुणे शहर महिला आघाडी अध्यक्षा शशिकला ताई वाघमारे, भाजपा सोशल मिडिया सेल पुणे शहर महिला संयोजिका सविता गायकवाड, भाजपा हडपसर विधानसभा मतदारसंघ सरचिटणीस शोभा लगड, व इतर सर्व भाजपा महिला पदाधिकारी उपस्थित होते.
या प्रसंगी प्रसिद्ध कलाकार किरण पाटील संचालित ' होम मिनिस्टर - खेळ पैठणीचा ' ह्या मनोरंजन कार्यक्रमाने रंगत आणली. महिला मोर्चा प्रदेशाध्यक्ष चित्रा वाघ यांचे हस्ते 'होम मिनिस्टर' खेळातील विजेत्या महिला स्पर्धकांना ' पैठणी ' साडीचे पारितोषिक वितरण करण्यात आले. तसेच चित्रा वाघ यांच्या हस्ते उपस्थित महिलांना हळदीकुंकू व तिळगूळ व ' वाण ' भेट देण्यात आले. तसेच स्मिता तुषार गायकवाड यांच्या कार्य अहवालाच्या डिजिटल कॉपी'चे प्रकाशन चित्रा ताई वाघ यांचे हस्ते करण्यात आले.
यावेळी मीना पिंटो, ग्रेटा ताई, पूनम फरांदे, निवेदिता रासगे, तुषार गायकवाड, आण्णा बांदल, चितोडिया महाराज, अशोक सोरगावी, परशुराम घनवट, सचिन इचके व इतर पदाधिकारी व कार्यकर्ते यांचे सहकार्य लाभले. कार्यक्रमाचे प्रास्ताविक कार्यक्रमाच्या संयोजिका व भाजपा ओबीसी आघाडी शहर उपाध्यक्षा स्मिता तुषार गायकवाड यांनी व आभार प्रदर्शन हडपसर विधानसभा मतदारसंघ महिला मोर्चा अध्यक्षा स्वाती कुरणे यांनी केले.
Post a Comment