परभणी (प्रतिनिधी)
परभणी : सार्वत्रिक लोकसभा व विधानसभा निवडणुकांच्या 2024-25 मध्ये यशस्वी अंमलबजावणीसाठी परभणी जिल्ह्यातील विविध माध्यमांतील पत्रकारांनी दिलेल्या योगदानाबद्दल जिल्हाधिकारी तथा जिल्हा निवडणूक अधिकारी मा. रघुनाथ जी गावडे यांनी प्रशस्तीपत्रक देत त्यांच्या कार्याची दखल घेतली आहे. युवा पत्रकार संदीप वायवळ (व्यवस्थापक प्रतिनिधी- समाजहित न्यूज, विशेष प्रतिनिधी- साप्ताहिक बंड ) यांना विशेष उल्लेखनीय योगदानाबद्दल प्रशस्तीपत्रक प्रदान करण्यात आले आहे. निवडणूक प्रक्रियेबाबत नागरिकांमध्ये जनजागृती, बातम्यांच्या माध्यमातून समाजात विश्वास निर्माण करणे, तसेच निवडणूक आयोगाच्या सूचना पोहोचवणे या सर्व बाबींमध्ये त्यांचे योगदान महत्त्वाचे ठरले, असे प्रशस्तीपत्रकात नमूद करण्यात आले आहे. प्रशस्तीपत्रकात पुढे असेही नमूद करण्यात आले आहे की, "आपल्या तांत्रिक कौशल्याचा आणि पत्रकारितेतील नैतिकतेचा प्रभावी वापर करून, निवडणूक आयोगाच्या नियोजनास मदत झाली असून, लोकशाही मूल्यांचे संवर्धन करण्यात आपली भूमिका महत्त्वाची ठरली आहे."
लोकसभा निवडणुका 2024-25 व्या वर्षीच्या पार्श्वभूमीवर पार पाडताना सर्व संबंधित यंत्रणांचे मोलाचे सहकार्य लाभले. यामध्ये पत्रकारांनी बजावलेल्या भूमिकेची जिल्हा प्रशासनाने घेतलेली दखल महत्त्वपूर्ण मानली जात आहे. जिल्हाधिकारी श्री. रघुनाथ गावडे यांनी युवा पत्रकार संदीप वायवळ यांना पुढील वाटचालीसाठी शुभेच्छा देत,त्यांचे अभिनंदन केले आहे. हा सन्मान झाल्यामुळे संदीप वायवळ यांच्यावर सर्व स्तरातून अभिनंदनाचा वर्षाव होत आहे.
'उत्कृष्ट कार्याबद्दल पत्रकार यांचा गौरव समारंभ'
हा कार्यक्रम जिल्हा नियोजन सभागृह येथे 19 जुलै रोजी आयोजित करण्यात आला होता. यावेळी जिल्हाधिकारी मा.श्री.रघुनाथ गावडे सर, अप्पर जिल्हाधिकारी मा. डॉ. प्रताप काळे सर, निवासी उपजिल्हाधिकारी श्रीमती अनुराधा ढालकरी मॅडम, निवडणूक उपजिल्हाधिकारी मा.जनार्दन विधाते सर, गंगाखेडचे उपविभागीय अधिकारी मा.जीवराज डापकर सर, जिल्हा माहिती अधिकारी मा. प्रमोद धोंगडे, माहिती अधिकारी मा.प्रभाकर बारहाते, निवडणूक विभागाचे नायब तहसीलदार मा.रेड्डी जी, दतराव गिनगिने आदींच्या उपस्थितीत सन्मानित करण्यात आले आहे.
Post a Comment